Gagnagrunnur og skjöl Vergo eru vistuð í gagnaverum Microsoft á Írlandi, innan Evrópska efnahagssvæðisins.

Öll samskipti við Vergo eru dulkóðuð með TLS 1.2 eða nýrra.

Gagnagrunnurinn og afrit af honum eru dulkóðuð með Transparent Data Encryption (TDE).

Notendur eru sjálfgefið með tveggja þrepa auðkenningu: eftir innskráningu staðfesta þeir sig með einnota kóða sem sendur er með SMS eða tölvupósti.

Gerð er krafa um sterk lykilorð og þau eru aðeins geymd á óafturkræfu formi (e. hashed), aldrei þannig að hægt sé að lesa þau. Aðgangi er læst eftir endurteknar rangar tilraunir.

Gögn hvers fyrirtækis eru aðskilin frá gögnum annarra, og hlutverk og heimildir ráða hvað hver notandi sér og getur gert innan fyrirtækisins.

Breytingar á gögnum eru skráðar á notandann sem gerði þær, svo alltaf má rekja hver breytti hverju og hvenær.

Aðgangur að raunumhverfi er takmarkaður við fáa starfsmenn. Starfsmenn Vergo skoða gögn viðskiptavinar aðeins þegar það þarf til að afgreiða beiðni hans.

Slökkt er á gervigreindartengingum þar til stjórnandi kveikir á þeim, og gervigreindin sér aldrei meira en notandinn. Nánar um gervigreindartengingar.

Skjöl eru undirrituð með rafrænum skilríkjum í gegnum Auðkenni.

Kerfið er stöðugt vaktað fyrir villum og öðrum atvikum. Ef eitthvað kemur upp fer það í fyrirfram skilgreint ferli hjá þróunarteymi Vergo.

Afrit eru tekin af öllum gögnum kerfisins, og gögn má endurheimta úr þeim innan skamms tíma ef eitthvað kemur upp, hvort sem bilun er tæknileg eða í búnaði.

Starfsemi Vergo byggir á staðlinum ISO/IEC 27001 um upplýsingaöryggi.

Allar vinnustöðvar starfsmanna Vergo eru dulkóðaðar með BitLocker og læsast sjálfkrafa þegar þær eru ekki í notkun.

Allir starfsmenn Vergo skrifa undir trúnaðaryfirlýsingu, sem gildir áfram eftir að þeir hætta, og fá reglulega fræðslu um öryggi og persónuvernd.